Sudharma

सुभाषितम्‌

admin — Wed, 23 Jan 2013 14:06:57 +0000

सन्त्येव सज्जानाः सन्त्येव पण्डिताः सन्त्येव देवालया योगिनश्च ।
दौर्जन्यमज्ञानमपि नास्तिक त्वं च कस्मान्नु वर्धते नागराज ।।

There are good people and scholars, there
are many temples and Yogis. Even so, why are
hooliganism, ignorance, and atheism thriving

राज्यस्तरीयं संस्कृतविध्यार्थिसम्मेलनम्‌

admin — Wed, 23 Jan 2013 14:02:11 +0000

तुमकूरु अत्र तुकूरुविश्वविध्या निलयस्य आश्रये जनवरीमासस्य षड्‌विंशसप्तविंशदिनयोः संस्कृत विध्यार्थिसम्मेलनं भविष्यति । संस्कृतभारतत्याः तुमकूरुशाखा सम्मेलनम्‌ आयोजितवती । सम्मेलनाङ्गत्वेन पुस्तक प्रदर्शिनी चायोजिता । मन्त्री श्रीमान्‌ शिवण्णः पञ्चाविंशे दिने (२५ १ २०१३) पुस्तक प्रदर्शिनीम्‌ उद्‌घाटयिष्यति । तुमकूरु विश्व विध्यानिलयस्य कुलपतिः डा एस्‌सिशर्मा अध्यक्षपीठम्‌ अलंकरिष्यति । राज्यस्य सर्वे संस्कृत विध्यार्थिनः सम्मेलने भागं गृीयुरिति वयमिच्छामः । संघटनायां बलमस्ति । संस्कृतस्य पुनरुज्जाीवनाय किं कार्य्‌ इति चिन्तना विद्यार्थिभिः कर्तव्या । तत्रापि आधुनिके युगे संस्कृतस्योप योगः कथं कर्तव्य इति दर्शनीयम्‌ । एकै कस्यापि भारतीयस्य जीवने संस्कृतं महत्तरं पात्रं वहेत्‌ । सद्‌गुणानां शीलस्य च संवर्धने संस्कृतसाहित्यं बहुधा उपकरिष्यति इति सोदाहरणं दर्शयितव्यम्‌ । विवेकानन्दस्य पञ्चााशदुत्तरशततमे जन्मदिने तमेवादर्शीकृत्य ज्ञानप्रसाराय युवभिर्यतनीयम्‌ । संस्कृतभारत्याः शाखाः नगरे नगरे भवन्तु । भारतसंजातानां सर्वेषां हृदयेषु संस्कृतप्रीतिः उद्‌बोधनीया । तथा अस्य देशस्य संस्कृतिः संरक्षिता भविष्यति । गृहे गृहे रामायणस्य महाभारतस्य कालिदासकाव्यानां च पठनं भविष्यति । तत्र विध्यार्थिनाम्‌ एव पात्रं मुख्यम्‌ सम्मेलनं सफलं यशस्वि च भूयात्‌ ।

मदनवर्देशं ज्वालयति

admin — Wed, 23 Jan 2013 12:58:58 +0000

भारतवर्षे दिने दिने स्त्रीणां विषये प्रवर्तानो दुष्टाचारः सर्वान्‌ द्वेपयति । वयं सभ्याः किम्‌ इति प्रश्न उत्तिष्ठते । कामान्धाः पुरुषाः रावणदुःशासनकीचकादीन्‌ अतिशयानाः समस्तं राष्ट्रं बर्बरं कुर्वन्ति । केन मार्गेण दुष्टानाम्‌ एतेषां व्यवहारो विरमणीय इति न ज्ञायते । न कापि स्त्री सधैर्यं संचरितुं शक्नोति । देशस्यास्य वीथीषु । कर्णाटक राज्यस्य एका मन्त्रिणी स्वयं पत्रं लिखित्वा रक्षां प्रार्थितवती । इतोऽपि शोचनीयतरं किं स्यात्‌ । पुरुषाणां दौर्जन्यं क दा विरमति? शीलं गौरवम्‌ अभिमानं च रक्षन्ती स्त्री देशेऽस्मिन्‌ जीवितुं न शक्नोति इति लज्जाास्पदम्‌ । के चन स्त्रीभ्यः संस्कृ तिपाठान्‌ बोधयितुं प्रयतन्ते । ते स्वयं संस्कृ तिपालनाय किं कुर्वन्ति? पाश्चात्यानि वस्त्राणि धारयितुं पुरुषाः शक्नुवन्ति, न स्त्रियः इति को न्यायः? स्त्री सदा गृहस्य महानसे तिष्ठेदिति वदन्तो महानुभावाः क स्मिन्‌ युगे समुदभवन्‌ इति न जानीमहे । सर्वेषु क्षेत्रेषु स्त्री पुरुषस्य समाना । आत्मनि लिङ्गभेदो नास्ति इति सक लैः शास्त्रिवर्यैः क थितमेव । तथापि भेदं कस्मादेते आरोपयन्ति ? भ्रूणावस्थायामेव स्त्रीणां हननं चिकित्सालयेषु भवति कस्मात्‌ ? अधर्मोऽयं विरमतु । यथा नारायणस्तथा लक्ष्मीः, यथा शिवस्तथा पार्वती तर्योध्ये नान्तरम्‌ ।

सुभाषितम्‌

admin — Fri, 18 Jan 2013 05:19:34 +0000

उपार्जितानां वित्तानां त्याग एव हि रक्षणम्‌ ।
तडागोदरसंस्थानां परीवाह इवाऽम्भसाम्‌ ।।

Money earned must be spent to keep it in circulation.
Put it to good use which is the best protective
investment. The water of pond has inflow and outflow
systems. That keeps its water clean. (14)

(कौटिल्यस्य नयः ७)

मकरज्योतिरहस्यम्‌ !

admin — Fri, 18 Jan 2013 05:17:23 +0000

तिरुवनन्तपुाम्‌ शबरिमलै देवालये मकरज्योतिविवादं वर्धयितुं नाहं अभिलषामि इति तिरवाङ्कूर देवस्वम्मण्डली प्रकटयति । मक राज्योतिमूलं तु बलिष्ठः धार्मिक श्रद्धातिशयः । अतः अयं मानवनिर्मित इति प्रसारे न उद्युे मण्डली इति स्पष्टतां अकरोत्‌ । सर्वेषां विदित एव यत्‌ मक रज्योतिर्नापोन्नबलमेडुशिखरे मानवैः प्रज्वालिता ज्योतिरेवेति । मण्डली इममंशं अनुयनुते । किंतु नाय मानवनिर्मितः इति प्रबलो विश्वासः भक्तनाम्‌ । अतः नायं मानवनिर्मितं इति प्रसारयितुं न उत्सहते मण्डली । एवं वार्ताहरान्‌ अवदत्‌ मण्डल्याः अध्यक्षः एम्‌ राजगोपालन्‌ । केरलराज्यस्य उन्यायालयेन मक रज्योतिः दैविकी वा मानवनिर्मितिर्वा इति स्पष्टीकर्तुं मण्डलीं आदिशत्‌ । शबरिमलै देवालये जनसम्मर्देन १०२ जनाः मकरसङ्करणदिने पुल्लमेडुप्रान्ते प्राणान्‌ अत्यजन्‌ । एतत्‌ काराणत्‌ अयमादेशः उन्यायालयेन कृतः । तिरुवाङ्कूर्‌ तथा पण्दलं रायल्‌हौस्‌ सदस्यैः अभिज्ञैः आगमिकैः प्रमुखैश्च सह देवालयस्य सम्प्रदायं वास्तुशिल्पं च परिशील्य वार्ताहरन्‌ आवेदयत्‌ नायरः ।

सुभाषितम्‌

admin — Tue, 15 Jan 2013 05:19:44 +0000

यत्रोदकं तत्र वसन्ति हंसाः तथैव शुष्कं परिवर्जयन्ति ।
न हंसतुल्येन नरेण भाव्यं पुनस्त्यजन्ते पुनराश्रयन्ते ।।

The swans live in lakes filled with blue waters. When
any lake dries up, the swans of that lake desert it. Men
should not change their base too often like swans. (13)

(कौटिल्यस्य नयः ७)

सचिन्‌तेण्डुल्कर्‌निवृत्तिमेष्यति

admin — Mon, 31 Dec 2012 08:41:17 +0000

मुम्बई – भारतदेशस्य क्रिकेट्‌क्रीडायां महान्‌ प्रवीणः विश्वविख्यातः क्रिकेट्‌क्रीडालुः सचिन्‌रमेश्‌तेण्डूल्क र्‌ एक दिवसात्मक क्रिकेट्‌ क्रीडायां नाहमितःपरं क्रीडिष्यामि । अहं निवृत्तिमेष्यामि इति पत्रमुखेन प्रक टितवान्‌ । २३ वर्षेभ्यः सचिन्‌ भारतदेशस्य क्रिकेट्‌क्रीडायां महान्‌ क्रीडालुः भूत्वा विश्वविख्यातिं लेभे । सचिन्‌स्वनिवृत्तिं जुघोष इति वार्ता श्रुता । वार्तामिमां श्रुत्वा आभारतं यावत्‌ क्रिकेट्‌क्रीडाप्रेमिनः आसक्ताः अभिमानिनः जनाः दिङ्‌ण्ढूाः अभवन्‌ । २३वर्षेभ्यः क्रिकेट्‌क्रीडां क्रीडितुवकाशं दत्तवद्‌भ्यः क्रिकेट्‌नियन्त्रण मण्डलीजनेभ्यः क्रिकेट्‌ क्रीडाभिमानिजनेभ्यः, क्रीडालुभ्यः सचिन्‌ कृतज्ञतापूर्वन वन्दनानि समर्पितवान्‌ । मदीये जीवने विश्वक्रिकेट्‌स्पर्धायां भागवहनं तु सौभाग्यमासीत्‌ । एतावत्पर्यन्तमहं अस्यां क्रीडायां प्रामणिकरीत्या अभिमानेन प्रेम्णा क्रीडित्वा यथाशक्ति देशसेवां कृतवानस्मि । नमो महाजनेभ्यः इत्यवदत्‌ ।

स्त्रीणां विषये समाजोऽपराधी

admin — Fri, 21 Dec 2012 05:05:08 +0000

कनकाभरणानि धारयन्ती सुन्दरी युवतिरपि अर्धरात्रे निर्भयं नगरवीथीषु संचरितुं यदा शक्नोति, तदा देशोऽयं स्वतन् इति भावयितुं शक्यम्‌, तदैव समाजोऽयं नागरिक इति वक्तुं शक्यम्‌ इति महत्मनोऽभिप्राय आसीत्‌ । भारतवर्षं चतुष्षष्टिवर्षेभ्यः पूर्वं राजकीयं स्वातन्त्र्यम्‌ अलभत। तथापि वयं नागरिका इति सभया इति वक्तुं न शक्नुः । प्रतिदिनं वार्ता श्रूयते स्त्रीणां शीलापहरणविषये । मानुषराक्षसाः परिभवन्ति कन्याः । यन्मनसापि न चिन्तनीयं, तत्‌ प्रतिदिनं भारतवर्षे भवति । रामराज्यं भविष्यति इति स्वप्नो दृष्टः, कि न्तु रावणराज्यं प्रवृत्तम्‌ । तत्र कारणमस्माकं न्यायव्यवस्था । अत्र अपराधिनो व्याजदर्शनेन दण्डं दूरीक र्तुं शक्नुवन्ति । धनदाहेन न्यायवादिनस्तेषां साहाय्यं कुर्वन्ति । बलात्कारेण स्त्रीशीलापहरणं कुर्वाणाः जनसमक्षं निर्दयम्‌ उद्बन्धनेन व्यापादनीयाः । तदैव इयं पाशवी वृत्तिः शाम्यति । अन्यथा कामुक साम्राज्यं भवति । गृहमन्त्री श्री सुशीलकु मारशिण्डेहाशयोऽपराधिनां तीव्रं दण्डं प्रतिज्ञातवान्‌ । तस्य प्रतिज्ञा सत्या भवतु । स्त्रियो न क्र य्याः पदार्थाः, अपि तु देव्याः रूपान्तरम्‌ इति समाजो जानातु ।

सुभाषितम्‌

admin — Thu, 20 Dec 2012 05:06:36 +0000

वरं न राज्यं न कुराजराज्यं वरं मित्रं न कुमित्रमित्रम्‌ ।
वरं न शिष्यो न कुशिष्यशिष्यो वरं न दारा न कुदारदाराः ।।

It is better to have no state instead of having a bad state.
Better to have no friends instead of having evil friends. Better
to have no pupil instead of having bad pupil. Better to have no
wife instead of being the husband of a bad wife. (12)

(कौटिल्यस्य नयः ६)

सुभाषितम्‌

admin — Wed, 19 Dec 2012 08:58:52 +0000

लुब्धमर्थेन ग्रहणीयात्‌ स्तब्धमञ्जलिकर्मणा ।
मूर्ख छन्दोऽनुवृत्तेन यथार्थत्वेन पण्डितम्‌ ।।

The following can be won over; a greedy by offer of
money, a proud person by cowering before him, a
fool by agreeing with him and a scholar by speaking
the truth.

(कौटिल्यस्य नयः६)

Sudharma

सुभाषितम्‌

राज्यस्तरीयं संस्कृतविध्यार्थिसम्मेलनम्‌

मदनवर्देशं ज्वालयति

सुभाषितम्‌

मकरज्योतिरहस्यम्‌ !

सुभाषितम्‌

सचिन्‌तेण्डुल्कर्‌निवृत्तिमेष्यति

स्त्रीणां विषये समाजोऽपराधी

सुभाषितम्‌

सुभाषितम्‌

मदनवर्देशं ज्वालयति