सुभाषितम्
मुक्ताहारनिषेविता अपि न तद्वृत्ती दिशत्यन्तरं बन्धे गाढविमर्दनेपि न जहत्यन्योन्यसंपीडनम् ।
उष्णश्शीतलतामुपेत्य शिशिरे प्राप्ते भजन्त्युष्णतां कामान्तःपुरचेटिकाकुचतटी काठिन्यवन्तः खलाः ।।
सुभाषितम्
द्विजराजान्कसंस्थोऽपि सन्मार्गाचारवानपि ।
विशुद्धिरहितः कश्चित् न विन्दत्यकलंकताम् ।।
अवक्रस्तारकाधीशः परिपूर्णप्रियोदयः ।
प्राचीं दिशमतिक्रम्य पतनं प्रतिपद्यते ।।
सुभाषितम्
अक रुणत्वमकारणविग्रहः परधने परयोषिति च स्पृहा ।
सुजनबन्धुजनेष्वसहिष्णुता प्रकृतिसिद्धमिदं हि दुरात्मनाम् ।।
सुभाषितम्
विपदि धैर्यमथाभ्युदये क्षमा सदसि वाक्पटुता युधि विक्रमः ।
यशसि चाभिरतिर्व्यसनं श्रुतौ प्रकृतिसिद्धमिदं हि महात्मनाम् ।।
सुभाषितम्
अकरुणत्वमकारणविग्रहः
परधने परयोषिति च स्पृहा ।
सुजनबन्धुजनेष्वसहिष्णुता
प्रकृतिसिद्धमिदं हि दुरात्मनाम् ।।
सुभाषितम्
मातर्गातं परमनुचितं यत्खलानां पुरस्ता
दस्ताशन्कं जठरपिठरीपूर्तये नर्तितासि ।
तत्क्षन्तव्यं सहजसरले वत्सले वाणि कुर्यां
प्रायश्चितं गुणगणनया गोपवेषस्य विष्णोः ।।
सुभाषितम्
कान्ताकटाक्षविशिखा न लुनन्ति
यस्य चित्तं न निर्दहति कोपकृशानुतापः ।
कर्षन्ति भूरिविषयाश्च न लोभपाशा
लोकत्रयं जयति कृ त्स्नमिदं स धीरः ।।
सुभाषितम्
एते सत्पुरुषाः परार्थघटकाः स्वार्थान् परित्यज्य ये सामान्यास्तु परार्थमुद्यमभृतस्स्वार्थाविरोधेन ये ।
तेऽमी मानुपराक्षसाः परहितं स्वार्थाय निघ्नन्ति ये ये तु घ्नन्ति निरर्थकं परहितं
सुभाषितम्
दाता दानस्यान्तरा स्यात्पृथिव्यां
गेहे गेहे याचकानां समूहः ।
चिन्तारत्नस्यास्ति सत्वे विवादो
मार्गे मार्गे रेणवः सन्त्यसंख्याः ।।
सुभाषितम्
चकोरानादरं देवश्चक्र वाकस्य चादरम् ।
विवखान् नाभिसन्धत्ते तवश्वमेतत् प्रकाशयन् ।।
अनुज्झितसुहृद्भावः सुहृदांह दुर्हृदामपि ।
सम इत्येव भाव्योऽपि नम इत्यभिभाष्यते ।।